Georg Ruseler

Vun Wikipedia

Georg Ruseler (* 11. Januar 1866 in Obenstroh; † 6. März 1920 in Ollnborg) weer en düütschen Dichter.

Ruseler is 1866 in Obenstroh boren. He güng toeerst na de Volksschool un later vun 1880 af an bet 1884 op dat evangeelsche Lehrerseminar in Ollnborg. De eersten beiden Johren as Lehrer hett he an ene Dörpsschool arbeidt un güng denn as Schoolmeester an de Heiligengeistschool na Ollnborg. Vun 1889 af an bet 1899 weer he op de Stadtknabenschool A in Ollnborg un denn op de Stadtknabenschool B. Vun 1909 af an weer he ok Rekter. 1918 is he swoor krank worrn un in’n Januar 1919 hett he den Schooldeenst opgeven un keem na’t Krankenhuus. Dor is he ok bleven bet he 1920 vun Tuberkuloos doodbleven is.

Dat Schrieven weer för Ruseler jümmer en ganz wichtigen Deel vun sien Leven. He harr toeerst blot Hoochdüütsch schreven, vunwegen dat gröttere Publikum, ok wenn siene Figurn in jemehr Wesen jümmer plattdüütsch weren. Eerst later hett he ok siene plattdüütsche Mudderspraak bruukt. Ok för dat Daagblatt Nachrichten für Stadt und Land hett he schreven.

He hett 1896 den Augsborger Schillerpries för siene Gedichten kregen. In sien Heimatdörp hebbt se later de Grundschool na em Georg-Ruseler-School nöömt. Ok Straten in Edewecht, Varel un in Bremen dreegt sien Naam. In dat Heimatmuseum Varel wiest een Ruum Stücke ut sien Leven un Warken.

[Ännern] Warken

Die Stedinger. Drama, 1890
Der Wunderborn. Niedersachsen-Verlag, Bremen
Die gläserne Wand.
De dröge Jan. Hermes, Hamborg 1919
Van Jadestrand und Werserkant. (as Rutgever) vun Theodor Dirks, Quickborn-Verlag, Hamborg 1913
De Doekatersdeern. 1919
Friesische Märchen. (mit Albrecht Janssen, Wilhelmine Siefkes un Wilhelm Scharrelmann) Heine, Willemshaven 1919
De dulle Deern. Heine, Willemshaven 1921
Heiner im Storchennest und andere Märchen.
Wenn ick Plattdütsk hör. Leeder un Vertellsel. Heine, Willemshaven 1921
Der Rauschende Garten. Friesen-Verlag, 1922
De Muller van Äwelgunn. Un anners wat. (as Rutgever) vun Theodor Dirks, Quickborn-Verlag, Hamborg 1922