Friedhelm Konietzka
Vun Wikipedia
Friedhelm „Timo“ Konietzka (* 2. August 1938) is en ehmalger düütsch Footballspeler.
Konietzka hett mit dat Footballspelen anfungen bis VfB 08 Lünen. De domolige Trainer vun Borussia Dortmund, Max Merkel, hett denn dat Talent opdeckt un hett hüm in de Böverligamannschap vun de BVB insett. Tosommen mit sien Störmerkolleeg Jürgen „Charly“ Schütz bild he de dorgefährlichste Binnenstorm in de Böverliga West. In dat Johr 1965 is he denn vun Borussia Dortmund nah TSV 1860 München wesselt. För de Dortmunders hett he in 53 Spelen immerhenn 42 Mal in’t Dor drapen un för de Münchners keemen nochmol 47 Spelen dorto mit 30 Doren.
Ok för de düütsche Natschonalmannschap hett he speelt un in 9 Begegnungen 3 Doren schaaten.
In dat letzte Endspeel üm de düütsche Football-Meesterschap is he 1963 mit Borussia Dortmund Düütsch Meester wurrn, nahdem se mit 3:1 tegen de favoriseert Kölners wunnen harrn.
Friedhelm Konietzka is aber in de Footballhistorie ingahn, as he an 24. August 1963 bi date erste Speel tüschen Werder Bremen un Borussia Dortmund in de eerste Speelminüt dat eerste Dor in de nee grünnd Bundsliga för Dortmund schaaten hett.
Sien gröttste Erfolge as Speler weern de Sieg in dat DFB Pokal-Endspeel 1965 mit Borussia Dortmund un de düütsche Meesterschap mit Borussia Dortmund 1963 un 1860 München 1966.
Nah sien aktive Tiet weer he Trainer bi Borussia Dortmund, Bayer Uerdingen, FC Zürich und den Grasshopper-Club Zürich. Mit de FC Zürich is he dreemal in Folg Swiezer Meester wurrn (1974-1976). 1977 is he mit disse Vereen ok in dat Halvfinale vun de Europacup vun des Landsmeesters (wat hüdtodag de Champions-League is) kommen, aber tegen FC Liverpool rutflogen. Vun 1978 bis 1980 weer he denn noch Trainer bi BSC Young Boys.
Hüdtodag is Konietzka, de 1988 de Swiezer Staatsbörgerschap annommen hett, as Weertsmann an de Veerwaldstädter See tätig, tosommen mit sien Frau Claudia.
[Ännern] Weblenken
- [1] Konietzka bi Fußballdaten.de (hoochdüütsch)
