David Janssen
Vun Wikipedia
David Janssen (* 27. März 1931 in Naponee, Nebraska as David Harold Meyer; † 13. Februar 1980 in Malibu, Kalifornien) weer en US-amerikaansch Filmschauspeler, de besünners dör de Rull as Dr. Richard Kimble bekannt wurrn is.
Siene Jöögd verbrooch David Janssen in Hollywood, nahdem sien Moder Berniece Graf, en ehmalge Miss Nebraska, de ok in de Ziegfeld Follies uptreden weer, sück vun sien Vader trennt harr. 1937 hett se Eugene Janssen heiraat, de sien Naam David denn bis sien Start in’t Showgeschäft bruukt hett.
Janssen, de eerst Sportler wurrn wull, dat aber wegen en Verletzung upgeven harr, harr 1945 sien eerste Rull in It’s a Pleasure, aber 20th Century Fox leet hüm wiels he afstahn Ohren harr bold weer fallen. He is denn to Universal un kreeg Anfang vun de 1950er-Johren tallriek Rullen. Wirklich bekannt wurr he aber eerst as TV-Star in de Serie Richard Diamond, Private Detective van 1957 un vör allen as Richard Kimble in Auf der Flucht (The Fugitive) (1963–1967).
He weer ok dornah noch in tallriek Feernsehrullen to seehn, t. B. in de Kultserie Harry O (1974–1978) oder in Colorado Saga (1978).
Janssens Partnerin weer van 1958 bit to de Scheedung 1973 Ellie Graham. Af 1975 leev he mit Dani Crayne tosommen.
Janssen weer swoor alkoholkrank un ok en düchtigen Schmöker. As Oorsaak för sien plötzlich Dood dör en Hartinfarkt nimmt man Överarbeiten un sien exzessiv Leven an; dat geev aber ok Spekulatschonen för Alkohol- oder Drogenmißbruuk.
