Daniel Harrwitz
Vun Wikipedia
Daniel Harrwitz (* 29. April 1823 in Breslau; † 9. Januar 1884 in Bozen) weer en düütsch Schachspeler ut dat 19. Johrhunnert.
Harrwitz weer Schachspeler van Berop. Offiziell weer sien Berop aber mit Koopman angeben. He hett länger in Paris leevt, wo er in dat beröhmt Café de la Régence van mörgens bit abends Schach speelt hett und ok völ Blindsimultanvörstellungen geben hett. Ünner de Schachspelers gell he as Dandy. He harr immer Hemden un Krawatten, de mit Schachsymbolen bestickt weern. Siet 1849 leev he in London.
Tegen de ganz Grooten in’t Schach kunn he nich bestahn. So hett he sien Wettkampen 1846 tegen Howard Staunton 9 : 12 bit blots een Remis un 1858 tegen Paul Morphy 2 : 5 ok blots mit een Remis verloren. Tegen Adolf Anderssen kunn he 1848 mit 5 : 5 een Unentscheeden erreichen. Anner Wettkampen tegen Bernard Horwitz, Elijah Williams, Augustus Montgredien, Joseph Walker, Josef Szen, Johnann Jacob Löwenthal un Carl Mayet kunn he aber winnen.
In dat Johr 1862 hett he een Lehrbuch des Schachspiels herutgeven.
Man hett över hüm seggt, dat he unutstahlich weer, wenn he winnen de, un dat he unerträglich weer, wenn he verleern de.
Harrwitz best historisch Elo-Tall weer 2644. De harr he in Juni 1853. Van Januar 1853 bit Februar 1856 leeg he up Platz 1 vun de nahträglich berekend Weltranglist.
