Luna nova
Da Wikipedia.
Una de' ccose ca ha fatto addeventà Napule accussì fammosa pe' tutte 'o munno, a fora 'o sole, 'a pizza, Margellina, 'o Vesuvio e San Gennaro, è stata sicuramente 'a canzona napulitana.
Chesta particulare forma d'arte ca a Napule, tene siecule 'e storia; nascette verzo 'o Milleduiciento ma, avette 'o periodo 'e cchiù granne successso, tra 'a fina d' ' o Ottuciento e 'o prencipio d ' 'o Noviciento.
Fuje proprio dinte a chillu periodo d'oro ca nascetteno 'e cchiù belli canzone, 'e cchiù granne puete e 'e meglio museciste napulitane, senza vulè levà merito a chille ca venetteno doppo .
'E canzone nate dinte a chillu periodo, c ' 'o tiempo, addeventajeno e fujeno chiammate " classiche " , e ancora ogge, a distanza 'e cchiù 'e 'nu siecolo, sò ancora cantate da 'e meglio cantante, napulitane, 'taliane e straniere e sò apprezzate pe' tutto 'o munno .
Ognuna 'e chesti canzone, accummencie cu' esse 'na storia; 'a storia 'e chi l'ha scritta, 'e chi l'ha musecata, chi l'ha cantata, addò, quanno, comme e pecchè .
Spisso so' storie allère oppure amare, a vvote pareno quase 'nu rumanzo .
L'atmusfera d' 'o Festival 'e Napule e, primma ancora, 'a Piererotta, 'e mutive, 'e parole, 'a meludia, so' tutte cose ca oramaje, so' trasute a fa parte d' 'a storia e d ' 'a trarezzione e d' 'a cultura ’e Napule .
Tramete chesti canzone fammose, è stato scritto ’a storia d ‘ ’a canzona napulitana, ’a quanno è nata, fino e‘ juorne d’ogge .
Chesta è una ’e chelli ccose belle ca fanno parte ’e ll’onore ’e Napule, ’a cchiù genuina, autenteca e vera .
’Na bannera addò nce stanno scritto ’ncoppa ’e cchiù belli note, ’e cchiù belli parole d’ammore, ’e cchiù belli sentemiente .
Proprio grazie a tutto chesto, ca Napule è canusciuta pe‘ tutto ’o munno, comme ’a Patria d‘ ’a canzona .
Luna nova
[càgna] Scheda d' ' a canzona
Parole 'e :Salvatore Di Giacomo , ( Napule, 12 'e màrzo 1860 – Napule, 4 'e abbrile 1934 ) .
Museca 'e :Mario Costa , ( Napule, 1858 – Napule, 1933 ) .
Data 'e nascita : 1887 .
Edizzione: Società Musicale Napoletana .
[càgna] Curiusità
’O 1887, accuppiata artistica Di Giacomo – Costa, era oramaje assaje canusciuta e apprezzata a Napule e pe‘ tutte l’Italia .
Erano addeventate talmente ’e moda ca tutte ’e ’mpresarie tiatrale ’e vulevano cuntrattà . E ne tenevano bbuoni mutive, pecchè ’e canzone ca loro scevevano ’nzieme, erano tutte ’e successo e se cantavano pe‘ tutte parte .
’O direttore d‘ ’ o tiatro “La Fenice ”, proprio ’o 1887, organizzaje, pe‘ l’occssione ca ’e monache d‘ ’ o cunvento de‘ Pentite, lassavano pe‘ sempe ’o cunvento, ’na specie ’e cummedia musecale e, durante ’stu spettaculo, fujeno cantate paricchie canzone, cchiù ’e ’na ventina. Ma ’e ccose nun jetteno bbone, pecchè quase tutte ’e canzone venevano siscate . Quase all’urdemo d‘ ’ o spettaculo, venette presentata ’ canzona “ Luna nova “, ’e Salvatore Di Giacomo e ario Costa . All’impruvviso ’o pubblico s’aizaje tutte quante e se mettette a sbattere ’e mmane, e l’applause duraje parichie minute . ’O spettaculo fuje accussì salvo e ’o successo ’e chesta canzone assicurato .
Chesta canzona addevantaje po‘, ’a canzona preferita d‘ ’ o Papa Leone XIII, ca appena nce ne capitava l’uccasione, ’a faceva sunà o‘ pianefforte d‘ ’ o cardinale Hohenzohe . Accussì ’a canzona napulitana facette ’a ’ntatura pure dinte ’e palazze sacre d‘ ’ o Vaticano .
