Poronai

Nō Wikipedia Māori

بروني دارالسلام
Negara Brunei Darussalam
Brunei Darussalam


Pīwari	Tohu

Pepeha: Mahi ngātahi ki te Atua

Ngaringari: Allah Peliharakan Sultan

Tāone matua Bandar Seri Begawan
{{coor dm|4|55|N|114|55|E|type:country(5,765)}}

Tāone nui capital

Reo a te motu Reo Marei (national), Reo Ingarihi

Kāwanatanga

• Āhua Tino kīngitanga

• Sultan Hassanal Bolkiah

Tū wehe

• i te Kīngitanga Kotahi 1 Kohi-tātea 1984

Rahi

• Katoa 5,765 km² (170)
2,226 sq mi

• Wai (%) 8.6

Taupori

• 2006 tau tata 379,444 (177)

• 2001 kautenui 332,844

• Kiato 65/km² (127)
168/sq mi

GDP (PPP) 2005 tau tata

• Katoa $9.009 miriona nui (138)

• Mā ia tangata $24,826 (26)

HDI (2004) 0.871 (nui) (34)

Moni Ringgit (BND)

Wāhi taima (UTC+8)

Tohu ipurangi .bn

Tohu waea +673¹

Ko Poronai he kīngitanga iti i tū i te tonga-huruhuru o Āhia i te uru-mā-raki o te motu nui o Borneo (koia tētahi o ngā motu nui rawa o te ao). Kei te tuakoi raki i runga iti ake o te weheruatanga o te ao nā reira he tino wera, he tino mākū hoki te huarere - kāore he wā o te tau.

E rua ngā wāhanga. Ko Bandar Seri Begawan te tino tāone.

[edit] Mātai matawhenua

He tata ki te whā rau mano tāngata te tokomaha; e ono tekau mā rima ōrau ko te hunga Marei, tekau mā rima ōrau he Hainamana, tekau ōrau he tāngata toiwhenua, tekau ōrau he tāngata noho rāwahi nō ngā whenua maha. Ko te hinukowhatu me te kāhikowhatu ngā tino mauranga atu nō tēnei whenua - he tino hira aua rawawhenua - ka whirinaki mai te ōhanga i te rua nei mō te 90% o ngā whakautunga moni katoa. Ko Hapana, ko Korea, ko Singapore ngā tino mākete kaihoko mai mō ngā mau waiwaro nei. Nā te iti o te mahi wheketere, o ngā mahi ahuwhenua he iti te whakaparu ki te taiao i konei, nā, he iti hoki te whakamārakeraketanga ngahere nā reira kei te tū tonu te ngahere - neke atu ra i te waru tekau ōrau o te rahi whenua kua kapea tonutia e te ngahere. I konei e tū tonu ana te nuinga o ngā toenga waoku (me ngā tūmomo kīrehe o roto: neke, pea, makimaki, honuwhenua, moko, manu, he aha he aha) i Āhia.

[edit] Kāwanatanga

Ko Hassanal Bolkiah, ko ia te 29 o ngā Kīngi o Poronai

Ko te Kīngi o te whenua nei ko Hassanal Bolkiah tōna ingoa. Kāore he pāremata, kāore he kāwanatanga-ā-pōti - he kaiwhakahauhautanga mārire te tūmomo kāwanatanga. Kia whakamārire i te tokomaha kāore he tāke rauemi, tāke hokohoko rānei, i āwhina-ā-monitia hokitia te utu hinumata, maukai tūturu (arā; te raihi, hinu tao kai, paura miraka, parāoa he aha he aha, me te hiko. He pūtea moni i tuaritia ki ngā tangata whenua kia hoko whare ai, hoko motukā ai kore huamoni, ā, he pūtea moni i tukua anō hoki ki ngā tangata whenua kia tīmata i te pakihi. He mea huhua ēnei engari he āhua kino; e pēhia ana ngā rōpū tōrangapū me ngā uniana kaimahi, kāore he kōrerorero tūmatanui e pā atu ana ki ngā marau kūraruraru, i āta tirotirohia nga nūpepa, moheni, ī-mēra, me te mēra. E kāwanatia ngā hāereerenga ki rāwaho o te whenua.

Ko Mohametatanga te tino whakapono o konei, ā, i tautokotia tēnei e tētahi minitatanga, ko te Minitatanga o ngā Take Whakapono. E pēhia ana ngā whakapono atu.