Kororā
Nō Wikipedia Māori
| Kororā | ||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
|
|
||||||||||||||
 Āwangawanga iti |
||||||||||||||
| Whakarōpūtanga pūtaiao | ||||||||||||||
|
||||||||||||||
|
|
||||||||||||||
| Eudyptula minor (J.R.Forster, 1781) |
Ko te Kororā he manu moana itiiti. Mā tonu te uma, te poho, he ōrangi kākonu te pane me te tuara. Ko Eudyptula minor te ingoa pūtaiao. Ko te Little Blue Penguin te ingoa reo Pākehā.
Ahakoa huri koe ki hea i te ao nei, kāore e kitea he pakihoe iti ake i te Kororā o Aotearoa. He āhua tohunga tonu te kororā ki te ruku kai māna. I a ia e kau ana i te mata o te wai, ruku atu ai ia i ngā kai pērā i te wheke me ngā ika pakupaku kei raro noa iho i a ia. Ka āhua rua tekau hēkena pea e ruku kai ana māna, kātahi ka puea ake. I ētahi wā ka haere te kororā i tētahi rāngai ika, kātahi ka kohakina tētahi. He wā anō ka ruku atu i ngā wai hohonu tonu ki te hopu ika māna - arā, ka āhua whitu tekau mita pea te hohonu o tana tirikohu atu. Ka taea e te kororā te noho atu ki te moana mō ētahi wiki, me te moe atu anō hoki ki reira.
Kau haere ai ngā kororā i ngā tai e whā o te motu. Mai i te marama o Here-turi-kōkā ki Poutū-te-rangi, ka tau ki uta, he whakaputa uri te kaupapa. I taua wā anō, ka tau mai te Kororā ki ngā takutai moana o Aotearoa, o Wharekauri, o ngā wāhi ki te tonga o Ahitereiria hoki, whakaputa uri ai.
Atu i te kororā, tekau mā rua atu anō ngā momo pakihoe ka kitea e kau haere ana i ngā tai o Aotearoa.
[edit] Tohutoro
- Robertson, C J R. (Etita), 1985. Reader's Digest Complete Book of New Zealand Birds. Poihākena: Reader's Digest.
 |
He maramara noa iho tēnei tuhipānui. Tirohia ngā tikanga whakapai mō tēnei paetukutuku reo Māori. Māu pea e whakaroa? |
