Umberto Bossi
Da Wikipedia.
 |
Quest articol chì l'è assee ben faa e l'è mia de trà via | |
Umberto Bossi nassù in del 1941 a Casan Magnagh (Pruvincja de Varees), omm pulitich, fundadur del muviment federalista da la Lega Nord, senadur e minister dij Reform e dela Devoluzion dela Republica. A l'è maridàà cunt la Manuela Marrone e el g'ha tri bagaj dela sò duna: el Eridano Sirio, el Roberto Libertà e el Renzo. Dela sò prima mjè, la Gigliola Guidali, el g'ha avù el prem bagaj ch'el se ciama Riccardo.
Cuntegnüü |
[Mudifica] Biugrafia e cariera pulitega
Diplumà cunt la maturità scientifica, al s'è iscrivù a l'università nela Facultà de medesina a Pavia, ma l'ha abbandunà ij studi prima dela fin del cors de laurea, in principi dij ann utanta, e el s'è dedicà doma ala alla pulitega.
El sò impegn in de la pulitegha l'è cumincià in dij ann '70, dopu che l'eva incuntrà el federalista Bruno Salvadori, che l'era el cap de l'Union Valdôtaine, muviment autonomista dela Vall d'Aosta, crepà apena quai mes dopu in un incident de machina.
In principi di ann utanta l'ha fundà insema ai varesitt Roberto Maroni e Giuseppe Leoni la Lega autonomista Lumbarda, e el divent segretari naziunal.
El se presenta aij elezion pulitegh del 1983 in Lumbardia insema ad altri "leghisti" sota al simbol dela Lista per Trieste, senza vess elegiù (nela circoscrizion Varees-Com-Sundri l'utègn 157 preferenz).
Ala fin dij ann utanta, dopu che la Lega la nava inanz a livell regiunal, el porta inanz el sò progett pulitegh de mett insema i vari muviment pulitegh autonomisti del'Itaglia settentriunala (Lega Lumbarda, Liga Veneta, Arnassita Piemonteisa, Partito del Popolo Trentino-tirolese, Union Ligure, Lega Padana Emilia, Alleanza Toscana), che ij diventen l'Alleanza Nord, diventada po dopu la Lega Nord. El diventa Segretari federal a l'adunada de Puntida (Berghem), chiamà dal partì "Giurament" per regordass del pusèè famus Giurament de Puntida del 1167 a l'Abbazia de San Giacum in tra i vint cità della Lega Lumbarda storega.
El diventa senatur dela X legislatura (e inscì tachen a ciamal in lumbard, el "Senatur") e l'è numinà Ministro per i Riform Istituziunai e la Devoluzion del II governo Berlusconi; l'è stà per quater volt deputà nel parlament itaglian (XI, XII, XIII e XIV legislatura) e anca parlamentar europeo.
[Mudifica] L'Aleanza cunt Forza Italia
Nel stess ann al fà al Nord cunt Forza Italia (partì pulitic fundà in tel 1994 da l'imprendidur milanes Silvio Berlusconi) la coalizion eleturala ciamada Polo delle Libertà, che insema a Alleanza Nazionale la venc i elezion e la guverna el paes fina al 22 dicember 1994. In chela ucasion el Bossi lasa la coalizion e el vuta la mozion de sfiducia contra al prim guverno Berlusconi (al fa chel che i giurnalisti ciamen el ribalton).
[Mudifica] La secesion de la Padania
El 15 setember 1996, dopu che la Lega l'eva ciapà el 30% in Veneto e el 25% in Lumbardia, el decit de urganizà la secesion dij region del Nord de l'Italia (indipendenza de la Padania). Inscì l'urganiza una manifestazion sul Po che la finiss a Venezia, in Riva dij Schiavon, in duè dopu avè tirà giò la bandera triculur italiana, el fa mett su chela cunt el Su dij Alp vert sul bianc, e el pruclama l'indipendenza de la "Republica federala dela Padania" in del mument che al lenc 'na dichiarazion che la disiva «Noi Popoli della Padania, solennemente proclamiamo: la Padania è una Repubblica federale, indipendente e sovrana...»[1].
Nel stess periodo el derva a Mantua el "Parlament del Nord" (e pò dopu Parlament dela Padania) e l'ann dopu el porta pusèè de 6 milion dij person a vutà sota i gazebi per el Prim guverno de la Padania.
El derva anca el giurnal La Padania, Radio Padania e Tele Padania. A l'è ancamò diretur pulitic del giurnal.
A l'opposizion quant che gh'era el guerno de centro-manzina (Prodi 1996-98; D'Alema I e bis 1998-2000 e Amato 2000-2001), el derviss la porta al Polo in occasion dij elezion regiunai del 2000, e l'ann dopu el fà una nova coalizion ciamada "Casa delle Libertà", che la venc i elezion del 13 de magg (la Lega nel prupurziuanl però la pasa dal 10% al 3,9%). Dal 2001 al 2004 a l'è Ministro per i Riformi e la Devoluzion.
[Mudifica] La malatia
La matena del 11 de marz del 2004 a l'è stà ricuverà in uspedal in condizion asèè gravi. Infati l'eva ciapà un ictus; la riabilitazion l'ha custringiù a una longa degenza in uspedal in Svizera e anca a una cunvalescensa asèè pesanta, e pò dopu a una longa interuzion de l'atività pulitega.
Anca se i sò condizion de salut ij eren menga bon, a l'è stà candidà coma capolista al Parlament europeo aij elezion de giogn, e l'è stà elegiù in dò circoscrizion del nord, cunt aprusimativament 285 mila voti. Per tegnì el segio de Strasburgo l'ha lasà la carica de parlamentar italian.
L'è più iscrivù, insema ai oltri parlamentari dela Lega, al grupp di euroscettich Indipendenza/Democrazia e, dal 27 de april 2006 a l'è denter al gupp dij membri non iscritti. In del marz del 2006, infati "Indipendenza/Democrazia" l'eva cascià fò pruvisoriament i parlamentari dela Lega per una question de danèè del grupp e per ij provocazion del Roberto Calderoli dopu la publicazion dij fùmett del Maometto sul Jyllands-Posten che l'hann fà dà ij dimision del guerno.
[Mudifica] El Bossi el turna sula scena pulitega
Bossi a l'è turnà sula scena pulitega el 11 de genaar del 2005 a Lugan (Tisìn), dopu 306 dì del ricover in uspedal, per una manifestazion vorùda de lù a l'ultima cà del federalista lumbard Carlo Cattaneo, manifestazion che l'ha fà discut asèè in Tisìn. Ala manifestazion el gh'eva anca el ministro furzista Giulio Tremonti (cunt el Bossi l'eva stringiù un patt de culaboraziun ciamà dij giurnaij "Asse del Nord") e una delegazion dela Lega dei Ticinesi (un moviment pulitech lucalista cantunal svizer) guidada de l'imprenditur lùganes Giuliano Bignasca. Quel dì lì el Bossi el parla contra de "L'Europa dij Framasòn".
In dela primavera del 2006, in del periodo dij elezioni politiche, el fà cumizi per sostegné i candidà leghisti al Parlament e anca aij elezion dij comùn. A l'è elegiù capolista dela Lega Nord Padania-Movimento per l'Autonomia, ma el rifùda el post per restà al Parlament europeo.
[Mudifica] Manifestazion leghisti
El 17 de Setember del 2006 in Riva dij Schiavon a Venezia, in ucasion dij dees agn dela dichiarazion d'indipendenza dela Padania, el tira fò l'idea de dervè amò el Parlament del Nord, per avech un culegament fra la gent e istituzion centrai, e el regorda la necesità de renuà la class dirigent leghista per pugià i giuen.
El 2 de Febraar del 2007 el partecipa ai laurà per la prima riunion del Parlament del Nord a Vicenza. L'assise padana la turna a truass ogni mees nela città veneta. Vers la fin de Agost del 2007, a l'è turnà a fa parlà de lue quant che l'ha dì a pruposit del prutesta fiscala che gh'è semper la prima volta per ciapà in man el fuesil ("C'è sempre una prima volta per prendere in mano i fucili"), ma anca che se la Lumbardia la paga minga, l'Itaglia la moer in cinq dì ("Se la Lombardia non paga, l'Italia muore in 5 giorni".)
El 5 de Genaar del 2008, Bossi el ciapa l'ucasion de incuntrà el president cantunal dela Lega dei Ticinesi, el Giuliano Bignasca, dopu una visita al cardiocentro de Lùgan, per parlà dij question pulitech de l'area insùbra. La riunion a l'è al Grott dal Prévat de Bosch Lùganes, insema anca al Cunsiglier de Stato ticines Marco Borradori e el depùtà Norman Gobbi. Per la Lega Nord al gh'è el President dela Pruvincia de Comm Leonardo Carioni. I parlen suratòtt dij trasporti e in particular de slungà la NTFA dopu la fruntera e dij prugett per l'aeroporto lumbard de Malpensa. I Svizer i deciden de partecipà cunt ùna delegazione dela lor Lega ala manifestazion federala dij Lumbard prugramada per el 10 de Febraar contra la pusibilità de declassà l'aeroporto per la vendita de l'Alitalia ala cumpagnia de bandera frances Air France.
[Mudifica] Bibliugrafia
[Mudifica] Liber scrivù del Bossi
- (cunt el Daniele Vimercati) Vento dal Nord: la mia Lega, La mia vita, Sperling & Kupfer, 1992
- (cunt el Daniele Vimercati) La Rivoluzione. La Lega: storie e idee, Sperling & Kupfer, 1993
- Tutta la verità. Perché ho partecipato al governo Berlusconi. Perché l'ho fatto cadere. Dove voglio arrivare, Sperling & Kupfer, 1995
- Il mio progetto: discorsi su Federalismo e Padania", Sperling & Kupfer, 1996
- (cunt el Daniele Vimercati) Processo alla Lega. Le accuse di magistrati e giornalisti L'autodifesa del leader padano. Un duello ad armi pari, Sperling & Kupfer, 1998
- La Lega: 1979 - 1989, Editoriale Nord, 1998
[Mudifica] Altri paroll culegà
- Lega Nord
- Padania
- Lega Lombarda
- Liga Veneta
- Movimento Giovani Padani
- Parlamento del Nord
- Indipendentismo Padano
- Gianfranco Miglio
