Piemont
Da Wikipedia.
- Superfis: 25.399 km²
- Popolazion (2006): 4.352.828 ab.
- Densità: 171 ab./km²
- Numer de comun: 1.206
- Capp-loeugh: Turin
El Piemont l'è ona region de l'Italia del nòrd; la confina a sud con la Liguria, a est con la Lombardia, a nòrd con la Svizzera e a òvest con la Francia. El gh'ha ona superfis de 25.399 km2 e ona popolazion (al dicember del 2006) de 4.352.828 abitant. L'è spartii in vòtt provinz e 1.206 comun. La presidenta l'è la Mercedes Bresso.
El Piemont l'è costituii dal tòcch pussee occidental de la Pianura Padana, tajaa dal Po. Tutt intorna gh'hinn i montagn, i Apennin al sud, pussee bass (sòta i 2.000 meter) e i Alp a òvest e a nòrd (che inveci riven a toccà i altitudin maggior de). In Piemont gh'è minga una zenta de montagn bass e de ronch come i Prealp de la Lombardia e del Veneto, e pròppi per quella reson chì la region la gh'ha quell nòm chì, ch'el voeur dì a i pè di montagn.
I fium pussee important hinn el Po, ch'el nass in de la region, e i sò tributari de drizza e de mancina: i pussee gròss hinn la Dòra Baltea, el Sesia, el Tisin (ch'el fà da confin con la Lombardia), el Tanaro. La fà part del Piemont la riva occidentala del Lach Maggior.
El capp-loeugh l'è Turin, vuna di città pussee important d'Italia; la gh'ha on poo men de on milion de abitant, anca se in di ann indree l'è rivada anca a superàll; a cuntà anca i paesòtt intorna, la riva à toeu dent quasi la metà de la popolazion piemontesa totala. Gh'hinn minga alter città gròss, vist che i capp-loeugh de provincia (Novara, Vercej, Cuni, Lissandria, Ast, Verbania) gh'hann da i 30.000 a i 100.000 abitant; alter paesòtt hinn Chivass, Ivrea, Alba, Bra, Mondovì, Fossan, Pineroeu.
[Mudifica] Situazion lingoistega
In Piemont l'è parlaa comè lingoa regional el piemontes (nòmm nativ: Piemontèis) che l'è voeuna di lingov galoitàlegh (comè el Lombard), ma gh'hinn anca di territòri indoe hinn parlaa olter dialett: in de la Provincia de Noara e in quela de Verbania e Versèj se parlen dialett insùber, in vargun comun de la Provincia de Coni se parla el ligur e in di valaa de la provincia turinesa inveci l'arpitan, el frances e l'occitan. Se doeuv minga desmentegà poeu la comunitaa di Walser (che l'è on dialett del Todesch) sù a Alagna (Provincia de Versèj). Ma la lingoa pussee parlada l'è l'Italian.
[Mudifica] Bibliografia
- Istituto Geografico De Agostini. Enciclopedia geografica, edizione speciale per il Corriere della Sera, vol. 1. RCS Quotidiani s.p.a., Milano, 2005. ISSN 1824-9280.
 |
Region d'Itàlia | |
|---|---|---|
| Abruzz | Basilicada | Calabria | Campania | Emilia-Romagna | Friul-Venezia Giulia | Lazzi | Liguria | Lombardia | March | Molis | Piemont | Puja | Sardegna | Sicilia | Toscana | Trentin-Sud Tiroeu | Umbria | Val d'Aòsta | Veneto | ||
