Alicante
Da Wikipedia
Alicante (Alacant in catalan), a l'è 'na çittæ spagnòlla da dïta Costa Gianca (Costa Blanca) arente a 'na collinn-a in faccia a-o Mâ Mediterraneo a-o çentro de 'na grande baia.
Capolêugo da provinsa do mæximo nomme. A sêu popolassion into 2006 a l'ëa de 322.431 personn-e.
A l'è 'n importante pòrto e ûnn-a dee çittæ ciû crescenti da Spagna, c'a l'ha cangiòu l'aspetto molto veloxementi pe i grædi edifiçi costrûti inti ûrtimi anni.
Pe a sêu localissassion a gode de 'n climma òttimo e a l'è molto importante tûristegamenti, comme destin d'estæ, pe e sêu famoxe spiagge e locâli nottûrni, ma ascì comme pòsto de soggiorno invernâ.
L'economia a se basa inscio tûriximo, a prodûssion de vin, d'êujo d'oliva e de frûtte, e i serviçi. A g'ha ascì molte indûstrie do settô alimentâ, de tesciûi e de chêujo.
A speçialitæ locâle son i torroîn.
