Kasablanka

From Wikipedia

Kasablanka
קזבלנקה

	Image:Grd-casa.jpg

Paez

Marroko

Pozision

33°34′ N 7°36′36" O

• Altura

58 msnm

• Distansia

101 km a Rabat

Superfisie

323 km²

Povlasion

2.949.805 ab. (2004)

• Densidad

9.132 ab./km²

Djentilisio

n/d

Alkalde

Mohammed Sajid

Pajina web

http://www.casablanca.ma

Kasablanka (en arabo (الدار البيضاء) es una sivdad del norte de Marroko, kapital de la rejion de Grande Kasablanka (en franses: Grand Casablanca; En arabo جهة الدار البيضاء الكبرى) i yamada Dār Beïḍā (la kacha) en arabo dariya o tambien Kāzā por los abitantes de la sivdad. Es la mas grande sivdad de Marroko, kon unos 3.9 milyones de abitantes en la su area metropolitana i endemas es el su puerto mas importante, la sede de munshas kompanyias marrokis i estranjeras, de la kaza de bolsa de Marroko, konosida komo La Bourse de Casablanca i endemas, el mas grande aeroporto del paez, el Aeroporto Internasional Mohammed V (en arabo مطار محمد الخامس الدولي), se enkuentra en Kasablanka, i el su porto, es el mas grande porto de Marroko i uno de los mas grandes portos artifisiales del mundo. Esta konsiderada la kapital ekonomika del paez, aunke la kapital ofisial y sede la kasa real i del governo nasional es Rabat. Esta ubikada al oeste, en la kosta del Oseano Atlantiko.

[editar] Istoria de la komunita djudia de Kasablanka

Quando los portugueses destruyiron la sivdad antika de Anfa enel anyo 1468, ya egzistia una komunita djudia en la sivdad. Los djudios ritornaron a la sivdad poko a poko, pero para el anyo 1750 abian sufisientes para konstruyir la primera esnoga en Kasablanka, la Esnoga Rab Elijah, la ke fue destruyida komo kaji toda la sivdad en el tremblor de tierra de 1755.

Para el prinsipio del syéklo XX, la komunita djudia de Kasablanka tenia unos 6.000 djudios, ke eran mas del 25% de la poblasion total de la sivdad. Desde el prinsipio del syéklo XX, Kasablanka a sido asosiada con el djudaismo ma ke otra sivdad del Maghreb, en parte por el dezvelopamiento de estrukturas sosyales para la komunita i tambien déke luego de la Shoá, munshos djudios del mundo kolaboraron para defender i protejer la grande komunita de la sivdad.

Entre los anyos 1940 i 1960, la komunita djudia de Kasablanka era de unos 70.000 abitantes. Pero la emigrasion asia Fransia, (Québéc) Kanada, Venezuela, Arjentina, Yisrael i los Estados Unidos desde Kasablanka a sido grande. Sin embargo, mushos djudios ke emigraron a estos paezes aun konservan pasaporte Marroki i sobre todo identidad y orgolyo de las sus raizes Marrokis. Oy endia ay unos 6.000 djudios en la sivdad. En Kasablanka se enkontran varias esnogas:

El Konsejo de Komunitas Djudias Marrokis (Conseil des Communautés Israelites du Maroc en franses), en 1, Rue Adrienne Lecouver;
La Esnoga Bet-El, en 67, Verlet-Hanus; la Esnoga Téhila Le David, en Bd du 11 Janvier;
La Esnoga Benarrosh, en la Rue de Lusitania
La Esnoga Em-Habanime, tambien en la Rue de Lusitania
El Centre Habad Lubavitch au Maroc, en 10, Rue Washington, i
El Kollel Avrechim Lubavitch Neve Shalom, en 16, Rue Abderrahman Sehraoui.

Mezkita Hassan II

[editar] Lugares de interes

En Kasablanka esta la mezkita Hassan II (en arabo مسجد الحسن الثاني), la mas grande mezkita de todo el mundo. La kulá de el su minarete es tambien la mas alta del mundo, kon 210 metros de altesa. Fue konstruida por el anterior rey Hassan II i aperturada enel anyo 1993. Fue disenyada por el arkitekto franses Michel Pinseau. La su konstruksion kosto aproksimadamente unos 5494 milyones de dirhams de Marroko (unos 504,85 milyones de euros). Puede albergar asta 100.000 kriyentes: unos 80.000 en el kortijo y aprkosimadamente 25.000 en la sala de arrogamientos.

Casablanca Twin Centre

El Casablanca Twin Centre es un komplejo de dos kulás, kada una de 28 pisos y 115 metros de altesa, disenyado por el arkitekto katalan de orijen djudio Ricardo Bofill Levi. Las kulás fueron aperturadas en 1999 i son endagora las kulás mas altas de todo el Maghreb i las dosenas kulás mas altas de toda Afrika, dempues de la kulá Carlton Centre, en Djohannesburgo, Akfrika del Sud, anke la kulá de TV Cairo Tower en Ejipto, tiene 187 metros de altesa, ma no es un edifisio.