Mor Karib
Dhyworth Wikipedia, an godhoniador rydh
An Mor Karib yw mor trovannel ow kul rann a'n Keynvor Iwerydh, soth-est a Gammas Meksiko. A-dro dhodho yma Amerika Dheghow, Amerika Gres, ha'n Antillys. Enep an mor yw a-dro 2,754,000 km².
An hanow yw gyllys dhiworth huni an dus Karib, onan a genedhlow teythyek a'n moyha rowedh y'n kyrghynn yn eur an devedhyans europek yn 1492. An term 'Mor an Antillys' yw kevys hwath yn nebes yethow europek, diworth an hanow Spaynek Antillas a ros Cristóbal Colón dhe'n ynysek war amal est an mor.
An Mor Karib o tremenyans kenwerth yn termyn a drevesigeth europek a Amerika. Kethow afrikan a veu drys bys ena rag lavurya an bargenyow-tir sugra; ha passya der an mor a wrug kansow a worholyon spaynek leun a arghans dhiworth Veksiko. Drefenn poes kenwerthel an rannvro ma, morladron o lies bys y'n 18ves kansblydhen.
Niver a wlasow ynysek y'n Mor Karib res omjunnyas y'n Kemmynieth Karib, po CARICOM.
| Gwlasow an Mor Karib |
|---|
| Antiga ha Barbuda | an Bahamas | Barbados | Dominika | Grenayd | Hayti | Jamayka | Kuba | an Repoblek Dhominikanek | Sen Kitts ha Nevis | Sen Lusia | Sen Vinsent ha'n Ynysow Grenadinek | Trynses ha Tobago |
| Powyow serghek: Angwilla | an Antillys Iseldiryek | Aruba | Gwadeloup | Martinik | Montserrat | Puerto Rico | an Turks ha Kaykos | Ynys Navassa | Ynysow Kayman | Ynysow an Wyrghes Predennek | Ynysow an Wyrghes a'n Statys Unys |
