Tamau
De Vichipedie, la enciclopedie libare dute in marilenghe.
Tamau (Tischblong pai timavês) al è une frazion di Paluce, che al dì di vuê al à 500 abitants. Tal paîs a è fevelade une lenghe todescje, clamade Timavês.
[cambie] Gjeografie
Tamau, logât a 830 m sul nivel dal mâr, al è l'ultime vile dal Cjanâl di San Pieri prime dal Pas di Mont di Crôs e duncje da l'Austrie. Il paîs, componût di cuatri borcs (Par Soga, Scholeit, Pauarn e Braide) al è cenglât da lis ardiris cretis dal Gamspitz (1847 m) e de Crete di Tamau (2217 m).
[cambie] Storie
Stant a la leiende, Tischblong al sarès stât fondât tal XIII secul di minadôrs di lenghe todescje ch'a vignivin da la Carinzie. Tal 1729 une slac e stravuelgè il paîs, ch'al fo rincostruît un km plui a sud, de altre bande de valade. Dilunc la prime vuere mondiâl su lis monts di Tamau (Pal Pizzul, Pal Grant, Freikofel) par plui di doi ains a combaterin talians e austro - ongjarês: ancjmò vuè, lant a cjaminâ di chestis bandis si puedin cjatâ reperts, come tocs di bombis, fîl di fier, bossui. In chei dûrs ains di vuere, tantis feminis di Tamau, a cjaparin part a lis ativitâts de vuere puartant tai geis riforniments ai soldâts talians par dome cualchi lire; Maria Plozner Mentil, une di chestis valorosis cjargnelis, e fo copade tal 1916 in trincee di un cechin todesc: i vegnerà dade la medae d'aur al Valôr Militâr.
