Prât
De Vichipedie, la enciclopedie libare dute in marilenghe.
| Prât | |
 |
|
| Non ufiziâl par talian | Prato Carnico |
| Provincie | Udin |
| Part | Cjargne |
| Altitudin | 674 m s.n.m |
| Superficie | 81 km² |
| Popolazion | 1.064 ab. |
| Densitât | 13 ab/km² |
| Frazions | Crôs, Sostâs, Davouse, Prât, Pri, Pradumbli, Pierie, Dasaiis, Truie, Pesariis |
| Comuns confinants | Comelians, For di Avoltri, Davâr, Rigulât, Sapade (BL), Sauris, Vigo di Cadore (BL) |
| CAP | 33020 |
| Prefìs telefonic | 0433 |
| Patron | Sante Margarite |
| Sît istituzionâl | |
| Cjale il Progjet comuns | |
Prât al è un comun inte Cjargne, che al dì di vuê al fâs part de provincie di Udin e al à 1.064 abitants.
[cambie] Gjeografie
Il comun di Prât al è logât tal Cjanâl Pedarç, unic comun di chiste biele valade. Lis sôs frazions a son:
- Crôs
- Sostâs (690 m)
- Davouse (652 m)
- Prât (686 m)
- Pri (747 m)
- Pradumbli (678 m)
- Pierie (674 m)
- Dasaiis (717 m)
- Truie (881 m)
- Pesariis (750 m)
Ducj i paîs ju si cjatin ae çampe dal turint Pesarine, tal versant nord de valade, là che plui bàt il soreli, mancul Pradumbli, che invezit al è logât tal versant meridionâl, in ombrene.
[cambie] Economie
L'economie dai paîs dal Cjanâl Pedarç e si è simpri fondade su l'agricolture, in mût particolâr su la coltivazion dai fasoi, e su l'ativitât pastorâl. Dal secul XVIII la frazion di Pesariis e je innomenade atôr pal mont par vie de sô produzion di orlois: propite casù difat e jè nassude, tal 1725 la impuartantissime ditte dai fradis Solari, che ancjmò al dì di vuè (ancje se cumò la sede e jè a Udin e esporte i siei prodots in dut il mont. Par chest motîf un dai slogan de valade e jè la valade dal timp: arlois e fasois. Condiplui dai ains '60 la valade e jè interessade da un fenomin turistic avonde impuartant, in graciis ae grande bielece dal paesaç e dai paîs, e de grande pâs e trancuilitât che e regne achì; i paisuts no acolgin i turiscj in hotels, ma tes lôr propiis cjasis, ristruturadis e mitudis in sest par proponi ancje chi il model dal albergo diffuso. Ancje la vignude dal turism parò, che ad ogni mût no'l è confrontabil cun chel che interesse il Trentin - Alt Adîs o lis plui impuartants localitâts Cjadovri, no jè bastade par frenâ il fuart dispopolament che ancjemò vuè e patîs la valade.
