Otmar Mainardis
De Vichipedie, la enciclopedie libare dute in marilenghe.
Danilo Stampetta insegnant e poete, nassût a Udin dal 1935. Cui so pseudonims di Otmar Mainardis e di Anonimo Friulano a son stadis publicadis tra lis poesiis plui gnovis e interessantis dai agns Sessante e Setante in Friûl.
[cambie] Edizions
Une prime publicazion e je stade fate in "Friuli d'oggi", orghin di informazion dal Moviment Friûl, po dopo, tal 1971, ducj i componiments a son stâts tirâts dongje in doi libruts "Muart antighe dal Friûl Friûl" e "Celtics inovâi".
La poesie di Otmar Mainardis e à une potence evocative straordenarie e messedant cun risultâts une vore alts lis formis de epiche e de liriche e à vût il presi di une origjinalitât uniche. Otmar Mainardis al è stât preseât ancje dopo passâts une vore di agns di altris moviments culturâi inovadôrs e une vore impuartants, tant che Usmis e i Trastolons. Raff BB Lazzara al à scrit un articul interessant su chestis oparis te riviste "La Comugne"; i libruts origjinâi dal 1971 a son une vore dificii di cjatâ, e tal 2008 Sandri Carrozzo al à curât une gnove publicazion cun notis e adatament ortografic, che si pues lei intun blog apueste.
[cambie] Leams esternis
- (furlan) Edizion curade di Sandri Carozzo
- (talian) Dizionari Biografic furlan
