HTML
De Vichipedie, la enciclopedie libare dute in marilenghe.
HTML al è l'acronim di HyperText Markup Language, lengaç pal marcament iper-testuâl. Al è un lengaç che al serf a preparâ testis par presentâju intune forme ipertestuâl, il formât standard des pagjinis web.
Indis |
[cambie] Storie
L'HTML al è stât svilupât atôr ae fin des agns 80 di Tim Berners-Lee al CERN di Gjinevre, e a seguiti de espansion di Internet al è deventât un dai lengaçs plui doprâts tal mont. L'HTML al è di domini public, e la sintasse e je stabilide dal World Wide Web Consortium (W3C). La ultime version rilassade e je la 4.01, dal 24 di Dicembar dal 1999. Al dì di vuê no son in prevision gnovis versions, parcè che l'HTML al à di jessi sostituît dal XHTML e dal XML .
[cambie] Sintasse
Un document HTML al è contignût intun file, che al scugne vê estension .htm o .html. Il file al è componût di elements, che a servissin a dâ informazions su la formatazion dai datis al sgarfadôr. Ogni element al è viert e sierât di un tag; il tag di sierade al è, par uns elements, opzionâl.
Chest al è un esempli di tag HTML:
<b>Contignût</b>
Ducj i tags a son comprindûts jenfri parentesis lincinadis (< e >); pai tags di sierade, la sierade e je indicade cuntun strangulin (/) dopo prime dal non dal tag che si intint sierâ. Tal esempli parsore, il comand <b> al indiche che il test al à di jessi scrit in gruessut. Il risultât al sarà chest:
Contignût
Vuê i documents HTML a incorporin une vore di tecnologjiis, che a ofrissin la possibilitât di zontâ al document ipertestuâl animazions interativis o efiets particolârs. Par chest fin a esistin lengaçs sicu CSS, JavaScript o altris aplicazions multimediâls di animazion vetoriâl o di streaming audio.
[cambie] Comandis principâi
<html>: Al definìs l'inizi dal document HTML, e al indiche al sgarfadôr che dut ce che al seguìis al à di jessi interpretât come codiç HTML.<head>: Al definìs la testiere dal document HTML, che e conten informazions sul document di no mostrâ al interni de finestre di navigazion. Dentri dal codiç <head> a si po cjatâ:<title>: Al definìs il titul de pagjine. Par solit, il titul al comparìs te bare dal titul in somp de finestre<link>: Al coleghe la pagjine a sfuei di stîls o iconis<style>: Par colegâ il stîl diretementri dentri de pagjine, doprant sfuei di stîl CSS, JavaScript o altris lengaçs simii.
<body>: Al definìs il contignût principâl, o cuarp dal document. Chest al è il toc dal document HTML che si pues viodi tal sgarfadôr; dentri di cheste etichete si podin definî proprietâts comuns a dute la pagjine, come i colôrs di fons e i margjins.
[cambie] Viôt ancje
- Sgarfadôr
- Sfuei di stîl
- CSS
- HTTP
[cambie] Leams
- (inglês) W3C
