Aus Wikipedia
Des Woat Ràdla ko zwoaraloa bedeitn:
- da Ràdla is a Ràdlfahra. Es gibt Ràdla ois Verkehrsteilnehma oda àà ois Sportla, des is nacha des, wo ma ohne Doping meistns ned vui z'reißt.
- 's Ràdla ois Abkirzung fia Ràdlamass moant a Hoibe-hoibe-Mischung aus am hellen Bia und am Zitrona-Kràchal.
-
- Angeblich håd des im Summa 1922 da Wirt vo da Kugler-Alm z' Oberhaching südlich vo Minga erfuntn, zu dem wo dåmois de Ràdlfahra am Suntog oiwei hig'fahrn han. An am recht hoaßn Suntog håd a ned damid grechnet, dass glei soo vui Ràdla an oam Sundognamittog zu eahm keman und då is eahm nacha 's Bia knapp worn. Nacha håd a übalegt, wås a dene Haufa Leit jetz ausschenkt, und hod sei Bia mim Kràchal g'streckt. De Leit, wo g'frogt ham, wås dees fiar a G'wàsch is, håd a g'sågt, des is a Ràdla, weil des Bia z'stark is, wenn ma no mim Ràdl hoamfan muaß.
 |
De Seitn is zua Begriffsklärung wei 's zu dem Woat mehrare Bedeitungen oda weils untaschiedliche Foamen in de Regionen gibt. |
