Jugoslawn (Voik)
Aus Wikipedia
 |
Der Àrtikl is im Dialekt „Stådt-Såizburgarisch“ gschriem worn. | |
Dé Jugoslawn san a Voiksgrubbm in dé heiting Nåchfoigestååtn vôm ehemåling Stååt Jugoslawien (wöicha vô 1919 bis 2003 existiart håd). Sé san vateilt auf dé Stååtn Slowénien, Kroàzien, Bosnien und Herzegowina, Serbien, Montenegro und Màzedonien.
Dé Bekennung zu dera Voiksgrubbm is eingmächig, weil sé dé Leid néd definitiv zu ana vô dé jeweiling Voika, dé in dé Nåchfoigestååtn lebm, bekenna kenna oda woin. Da Grund dafia is, dass sehr vüi Familien im dåmåling Jugoslawien gründt wurn san, wo dé Öitan dé vaschiedenen Voiksgrubbm ãghert håbm. Es is à dåmåis politisch gern gsehng gwésn, sé åis "Jugoslaw" z' tituliarn.
Zur Zeid kã dé zåihnmäßige Stärkn vô dé Jugoslawn nur gschätzt wern, weil bei dé Voikszählungen in dé Nåchfoigestååtn da Begriff "Jugoslawe" nimma ãgführt wird. Vüi Leid bekennan sé à nimma åis ethnische Jugoslawn, weils befürchtn, dådurch Repressjonen in da Årbeit und im Åitåg z' erleidn.
