Klaipieda
Straipsnis iš Wikipedia.
Klaipieda | |
---|---|
![]() ![]() |
|
Valstībė: | Lietova |
Savėvaldībė: | Klaipiedas miesta savėvaldībė |
Giventuojē (2006): | 187 316 |
Klaipieda - miests ėr uosts vakarū Lietuvuo. Neoficiale laikuoms šiuos Lietuvuos dalėis suostėne. Miests tor savėvaldībis stauso, miesti veik pagrėndėnės vakarū Lietuvuos ėnstėtocėjės, stombus versla ėr logėstėkas centrā.
Ofėciali miesta dėina - rugpjūtė 1-a (miesta gėmtadėinis), kuožnās metās lėipas pabinguo vīkst Jūras šventi. Pro Klaipieda tek Dangės (Akmena) opis, katra ėtek ė Koršiu marias. No suostėnės Vėlniaus miests īr ož 311 km ė šiauris vakarū posė.
Turinys |
[taisyti] Priėtelē ėr geograpėjė
Klaipieduo gīven 187 tūkstontē priėteliū (2006 m. skaičevimās). Klaipieda īr trets pagal dīdė Lietuvuos miests.
Miests īr vakarinie Lietovuos posiė, ton vietuo, kor Koršiu marias ėtek ė Baltėjės jūra, no suostėnės Vėlniaus miests īr ož 311 km ė šiauris vakarū posiė. Didkiuoji miesta dalis īr rītiniė posiė, volig Koršiu mariu, o mažesne - vakarinie Koršiu nerėjės terituorėjė. Miests tesos 25 km ėš šiauris ė pėitos.
[taisyti] Istuorėjė
Klaipieda bova ėkorta 1252 metās. Tumet Dongės opės kronti Livuonėjės uordins ėr Korša vīskūps pastatė Memelborga pėlė, šalėp katruos staties miests (Memelis). Bova planū, ka Memelis būs Vėskūpėjės centros.
1253 metās Petros Dusburgietis pranešė, ka aplīnkėnės gentis sudegėna Memelė ėr oustė bovosius laivus.
1328 metās Klaipieda so aplinkīnēs kaimās bova atidouta Vuokīčiū uordinou Prūsėjuo.
XIV-XV omžēs Klaipieda liōba būtė nasutarėmu oobjekts tarp Žemaitėjės ėr Vuokītėjės.
Klaipieda bova Vuokītėjės platsdarms polť Žemaitėjė. Žėmaitē liōba gintėis ė poltė Klaipieda. 1379 metās užpoulė Klaipiedā žemaitē visiškā sugriuovi miesta ėr pėlė.
Klaipiedas vards (Caloypede) pėrma sīkė prarukouts Vītauta Dėdliuojė laiškė 1413 metās, katram ruokoun, ka Klaipieda īr žemaitiu žemie.
- 1409 metās Žalgėrė mūšė privakari Klaipieda bova užiemi žemaitē.
- 1525 metās Klaipieda priklausi Prūsijas hercuogīstē.
- 1629—1635 m. - Švedėjē.
- 1701 m. - Prūsėjės karalīstē.
- 1757—1762 m. - Rosėjės ėmperėjē.
- 1807—1808 m. - Napoleuonou Bonapartou sumošus Prūsėjė, Klaipieda bova laikėna Prūsėjės suostėnė.
[taisyti] XX omžiaus Klaipiedas istuorėjė
Pagal Versālē sutartī (1919 metās) miests ėr krašts palėka Antantis valdžiuo. Miests bova perduots daugeusē prancūzū valdīmou.
1923 m. īvīka Klaipiėdās sukėlėms, katruo rezulati Klaipiėda ėr Klaipiėdās krašts perejē ė Lietvuos valdž. Miests 1923 m. sausē 15 bova pajungts pri Lietuvuos. 1939 m. kuovā 23 Klaipiėda prijūngta pri Nacīstėnės Vuokeitėjės. Ontrā pasaulinē karā metās Klaipiėda labā nukentieja. Bova sunkaikinti daugoma namū.
Miestā 1945 m. sausē 28 užiėme Suovietū Sājonga. Sovietū okupacėjės metās Klaipiėda bova vīstom tėk kāp Lietuvuos SSR provīncėjes miests.
1976 metās sovietā sunaikėna Klaipiėdās sensias kāpėnes. Ton veituo pastati skolpūrū parkā.
[taisyti] Lonkītėnas vėitas ėr torėzmos
Klaipieda īr nuognē svarbos torėzma centros. Miesta kiekvėinās aplonka tūkstontē torėstu ėš ėvairiu šaliu. Didlē daug atvažiou ėš Vokiėtėjės, Latvėjės, Rosėjės ėr Didliuoses Brėtanėjės. Klaipieda īr populiari vasaras sezuono, kumet vīkst Džeza festivalis ėr Jūras šventi.
[taisyti] Bažnīčēs
- Krėstaus Karāleus bažnīče,
- Marėjės Taikuos Karalienes bažnīče,
- Šv. Jūzapa Darbīninkā bažnīče,
- Šv. Kazimeira bažnīče.
Tepat Klaipiėduo veik ėr kėtū vierū bažnīčēs, kāp pavėzdžiou lioteruonu, pravaslavu, starviėriu ėr kėtu.
[taisyti] Ekuonuomėka
Klaipieda īr magtings Lietovuos ekuonuomėkas centros. Kleipeduo veik didlē daug savrbiu Lietovuos ekuonuomėkā versla centru, dėrbīklū, oragnėzacėju ėr panašē. Miesta rītus veik veinintele veikonti Lietovuo valna ekanuomėne zuona, katruo veikontes imones gaun nuolaidas no mokstniu.
Miesti didliausia BVP dalis tėnk paslaugu sektoriou. Klaipiedietiu pajamas īr didlesnes, nego vėdotėnės Lietovuo. Miesti - veins mėnkiausiu bīdarbiū skaitlis. Darėninku nuognē trūkst statībuos, rastaranus, tarnspuorti ėr uosti. Po Romonėjės ėr Bolgarėjės pelėkėma ES naiėm, ė Klaipieda atvaževa dėrbt namažā romonu ėr bolgaru.
Didlē svarbos ėr magtings īr statībo sektorios, katros nuo 2004 metu ėšgėven bōma. Didliuoji dalis naujuos statības ten gėvėnamiesems nomams ėr gamīkluoms Klaipiedas valnuo ekanuomėniė zuonuo.
[taisyti] Klaipiedas uosts
Miesta ėr šalīs ekuonuomėkuo nuogne savrbos uosts, katras ėr vėinintelis uosts Lietuvuo, katras modernėzuojams ėr pletamas kruovas apimtīs, uosti dėrb 19 magtingu kruovas ėmuoniu. Uosta pajėgoms per metus īr 40 mėlėjuonu tuonu ėvairiu kruovėniu. Uosts dėrb ėštėsos metus, nes īr labiausē ė šiauri nutuolis Baltėjės jūras uosts.
Īr atlėkta uosta pliėtruos stōdėjė, kartruo siūlom statīt gėlėvandėni uosto Melnaragie, atvėruo jūruo, sopėlont muolos.
Uosti tepat didlē svarbos īr ėr kelveivėnē laiva, keleiviu pervežėms. Veik tarptautėnė keltu perkīla ėr kroėzėniu laivu prieplauka.
[taisyti] Nuoruodas
- Oficelus miestā tinklapis (lietoviu ruoda),
- Klaipiedas uosts (lietoviu ruoda).
- Klaipiedas vėišuoji bibliuoteka (lietoviu ruoda),
- Trumpa Klaipedas istuorėjė (lietoviu ruoda).
[taisyti] Torėzmos
- Klaipedos žemielapis (lietoviu ruoda),
- Torėzmas informacėjės centros (lietoviu ruoda).