Жибэн

From Wikipedia

Жибэн (Япон) Улас (日本国Ниппон, Нихон)— Аази (Эбраази)-ин зүүн хэһэгтэ Номхон далайн баруун хэһэгээр оршохо аралай улас юм.

Жибэн Улас
日本国

Түрын туг

Түрын һүлдэ байхагүй.

Түрын туг

Хаанай гэр бүлын һүлдэ

Жибэнэй байра

Албан ёһоной хэлэн Жибэнэй хэлэн
Ниислэл хото Тоокёо
Ниислэлэй оршохо газарзүйн солбилсол 35°41' N, 139°46' E
Эзэн хаан Акихито
Юрэнхы һайд Абэ Шинзоо
Газар нютагай хэмжээ
 - Бүгэдэ
 - % уһа
Дэлхэйдэ 60-рта
337,835 дүрбэлжэн модо
0.8%
Хүн ама
 - Бүгэдэ (2004)
 - Хүн аманай нягтарал
дэлхэйдэ 10
127,333,002
337.01/км²
Тусгаар тогтонол
 -
Бурхадай домогто үндэһэлэбэл,
2-дугаар һарын 11, 660 он
Мүнгэнэй нэгэжэ Эн (JPY)
Сагай бүһэ Гринвичэй сагай бүһэһээ +9
Уласай нэрын тоо JP, JPN
Утаһанай тоо 81
Замбуулинһаа абаһан Жибэнэй зураг
Замбуулинһаа абаһан Жибэнэй зураг

Contents

[edit] Оршол

Жибэн ороной газарай зураг

Жибэн Дэлхэйн 2-дугаар дайнай дараа зохёоһон Жибэнэй Үндэһэн Хуулида үндэһэлэн шүүхэ, гүйсэдхэхэ, хуули тогтоохо эрхэ мэдэлые хэрэгжүүлдэг Үндэһэн Хуулита Хаанта Засагта Улас бүгөөд Үндэһэн Хуулидань Түрын тэргүүн гэжэ хэн болохые заагаагүй болобошье Жибэн Уласай арад түмэнэй эб нэгэдэлэй бэлгэ тэмдэг болохо эзэн хааниинь түрын тэргүүн гэжэ хэлэжэ болохо юм.

Жибэн Улас эдэй засагай шадабхаараа дэлхэйдэ АНУ-ай дараа 2-рто ородог, Ехэ Найманай нэгэ гэшүүн улас юм. Аазиин сор ганса үндэр хүгжэлтэй орон хэдышье түүхэй эд, хүнэһэн, эршэм хүсэнэй 80-һаа илүү хубиие хилын саанаһаа асардаг, гадаада худалдаанһаа хамааралтай улас болоно.

Жибэнэй хүн аманиинь Хоншүү аралаар түблэрэн һуудаг жибэн, Окинава аралда оршон һууха Рюүкюү болон Хоккайдоо (Мосир), Сахалинһаа гаралтай айнү, орок (уйльта), ниивхэ зэргэ жэжэг үндэһэтнүүдһээ бүрдэнэ. Албан ёһоной хэлэниинь жибэн хэлэн бүгөөд рюүкюү хэлэн, айну хэлэн зэргэ үсөөн ярилсагша бүхы хэлэнүүд оршодог.

Газарзүйн байрлалай хубида газараар хиллэдэг орон байхагүй бүгөөд Жибэн тэнгисээр Солонгосой хойг (Бүгэдэ Найрамдаха Солонгос Улас, Бүгэдэ Найрамдаха Арадшалһан Солонгос Арад Улас), Ородой Холбооной Улас (ОрХУ Жибэн тэнгисһээ гадна Охаат тэнгисээр (“Агнууриин” тэнгисээр) хиллэнэ)-уудтай, Дурнада Хитадай тэнгисээр Бүгэдэ Найрамдаха Хитад Арад Улас, Хитад Арад Улас (Тайван) зэргэ уласуудтай хиллэнэ. Тэрэшэлэн үмэнэ этгээдэдэ байха Огасавара олтирогоор Микронеэз (Умарада Маряанай аралнууд) уластай хиллэдэг.

[edit] Уласай нэрэ

Албан ёһоной нэрэнь Жибэн Улас (Дэлхэйн 2-р дайнһаа үмэнэ нэрэнь Жибэнэй эзэнтэ гүрэн). Мүн эртэ сагта Ямато гэхэ зэргээр нэрлэгдэжэ байгаа.

Жибэншүүд өөрынгөө уласай "Ниппон", "Нихон" хэмээн нэрлэдэг. Гэхэдээ түүхэн уламжалалһаа үзэбэл Ниппон гэдэг нэрэнь арай эртэ бии болоо. Энэнь эжэлхэн Наранай Үндэһэн хэмээхэ удхатай нэрэ болоно.

Энэхүү нэрэнь анха 645 оной 7-р һарада Солонгосой хойгто оршон байһан Когурёо болон Пэкчэ уласуудай элшэдэ хандаһан бэшэгтэ "Бурханай һурбалжата Наранай үндэһэн уласай эзэн хаан" хэмээн хэрэглэгдэһэн гэжэ үзэдэг.

Албан ёһоной ингли нэршэлынь Japan бүгөөд JPN хэмээн тобшолно.

Джэпээн (ингли: Japan)、Жапон (фраанци:Japon)、Яапан (ярмаан: Japan)、Джапонэ (итаали: Giappone)、Хапон (испаан: Japón)、Япоония (ород: Япония)、Ипүн (тай:ญี๋ปุ่น) зэргэ нэрэнүүдынь эртэнэй хитад хэлэнээр "Жибэн Улас" гэһэн удха бүхы Сипангү (Xipangu) буюу Жапангу (Japangu) гэһэн үгэһээ үндэһэтэй. Харин ханзы үзэг хэрэглэдэг байһан уласуудта тухайн ханз үзэгэй уг хэлэн дэхэ дуудалга болохо Ильбон (солонгос: 일본; 日本), Жибэнь Rìběn (хитад:日本)、Ньат Бан (вьет: Nhật Bản; 日本) зэргээр дуудадаг байна. Монголшуудшье мүн адли нэрэнэйнь удхаар "Наран Улас" хэмээн нэрлэхэнь бии.

[edit] Ниислэл

Ниислэл хотонь Тоокёо (Дуудалгадынь ойртуулха үүдэнһээ Токио хэмээн бэшэхэһээ зайлаба)-нь Дэлхэйн хамагай томо хотонуудай нэгэ юм. Эзэн хаанай ордонһоо гадна Уласай Хурал (Парлаамент), Засагай газар, Дээдэ Шүүхэ зэргэ газарнууд байрлаха туд ороной улас түрэ, эдэй засагай гол түб гэдэг удхаараа яаха аргагүй ниислэл хото мүн болобошье ниислэлынь Тоокёо хото мүн хэмээхэ хуулиин заалта үгы.

[edit] Томоохон хотонууд

Жибэн Уласта ниислэл Тоокёоһоо гадна 2 саяһаа дээшэ хүн зонтой дарааха хотонууд бии.

  • Ёкохама: 3 сая 500 мянга оршом
  • Оосака: 2 сая 600 мянга оршом
  • Нагоя: 2 сая 100 мянга оршом

 

[edit] Түүхэ

Жибэнэй нютаг дээрэ оршожо байһан анханай уласынь түүхын һурбалжа бэшэгүүдтэ дуридһанаар 701 ондо үндэһэлэгдэһэн Гэнкооши болобошье эртэнэй уласууд Кинай (Кёото, Оосака, Нара) түбтэй байһан бүгөөд Кантооһоо умара, Кюүшүү гээд үмэнэдэ хэһэг Яматода багтадаггүй байгаа.

Түүхын ябсада ойро хүршэ Эмиши, Хаяато зэргэ үндэһэтэнүүдые нэгэдхэн газар нютагаа тэлэһээр байһан бүгөөд энэ хугасаанда гадаада оронтой хииһэн дайн гэбэл Солонгосой хойго болон Юван гүрэнтэй хииһэн хэдэн удаагай дайнһаа хэтэрхэгүй байгаа. Иинхүү 1872 ондо үдгөөгэй газар нютагаа нэгэдхэбэ. Дээрэһээнь 20-р зуунай эхин гэхэдэ Тайван, Солонгосой хойгые нэгэдхэжэ, Номхон далайн арлануудые колоонишолжо, тоглоомын улас болохо Манжа гүрэн уласаар дамжуулан Хитадай нэгэ хэһэгые захирша эзэрхэг түримхэй (империалииста) уласай түрэхые олоһон бүгөөд 1936 ондо уласайхаа албан ёһоной нэрые Жибэнэй эзэнтэ гүрэн болгоһон түүхэтэй. Жибэн 1945 ондо Дэлхэйн 2-дугаар дайн (Номхон далайн дайн)-да ялагдаһанаар тэрхүү эзэмшэл нютагуудаа ехэнхииень алдажа, Амеэрикын Нэгэдэһэн Улас тэргүүтэй Холбоотонуудай удирлагад ороһон юм.

Дайнай дарааха Жибэн Улас сэргэжүүлхэ үзэлтэн (милитариист) үзэлээһээ татхалзан, 1947 оной 5-дугаар һарын 3-нда хүсэнтэй болоһон Жибэнэй Үндэһэн Хуулидаа түрын дээдэ эрхые арад түмэн эдэлнэ хэмээн заажа, Үндэһэн хуулита хаанта засагта арадшалһан улас болоһон билээ. Иинхүү 1952 оной 4-дүгээр һарын 28-нда Жибэн Уластай байгуулха энхэтайбанай гэрээ (Сан-Францискын гэрээ) батлагдаһанаар дахин тусгаар тогтонолоо олоһон юм.

Улас байгуулагдаһан огноог Эброопын литээр 660 оной 1-р һарын 1 гэжэ үзэдэг байна.

[edit] Газарзүй

Жибэн Улас Хоккайдоо, Хоншүү, Шикокү, Кюүшүү гэһэн 4 томо арал болон Огасавара олтирог, Рюүкюү аралнууд зэргэ жэжэг аралнуудһаа тогтоно. Газар нютагай хэмжээнь ойролсоогоор 378 мянган дүрбэлжэн модо

Ородой Холбооной Уластай Куриилай аралнууд (үмэнэ хэһэгэй аралнууд), Хитад болон Тайвантай Сэнкакү олтирог, БНСУ-тай Такэшима арал зэргэ маргаантай газар нютаг бии. Үмэнэ талаараа Пилипиин тэнгис, зүүн талаараа Номхон далай, баруун хойто талаараа Жибэн тэнгис, баруун талаараа Дурнада Хитадай тэнгис, хойто талаараа Охаат тэнгисээр хүреэлэгдэнэ.

Жибэнэй аралнуудынь Эбраазиин табсан, Номхон далайн табсан, Пилипиин тэнгисэй табсан, Умарада Амеэрикын табсангуудай заагта оршохо тула газар хүдлэлтэ ойро ойрохон болохо бүгөөд дэлхэй дээрэ болодог газар хүдлэлтын хүсэнэй (энеэргиин) 10-20 хубинь түблэрдэг гэжэ үзэдэг.

Тэрэшэлэн галта уулын эдэбхитэй бүһэ ушарһаа халуун аршаан ехэтэй.

[edit] Захын сэгүүд

Зүүн сэг
Тоокёо, Маркас арал (Үмэнэдэ Шубуу арал) (24°16'59"N, 153°59'11"E)
  • Ородой Холбооной Уластай маргаантай нютаг болохо Куриилай аралнуудай Шүмүшү аралай Охакүзаки (50°N, 155°E) гэжэ үзэхэ ябадал бии.
Баруун сэг
Окинава можо, Ёнагүни арал, Нишизаки (24°26'58"N, 122°56'01"E)
Үмэнэдэ сэг
Тоокёо, Окинотори арал (20°25'31"N, 136°04'11"E)
Умарада сэг
Хоккайдоо, Эторо арал, Камойвакка (45°33'28"N, 148°45'14"E)
  • Уг аралынь жибэншүүд амидардаг хэдышье ОрХУ-тай маргаантай хэбээр байгаа тула үүные оруулахагүй гэжэ үзэбэл Хоккайдо, Вакканай дүүрэг, Бэнтэн арал, (Соояа;45°31'13"N, 141°56'27"E)

[edit] Уур амисхал

Ехэнхи нютагынь дулаан бүһэдэ хамаараха бүгөөд үмэнэдэ хэһэгэй аралнуудынь халуун, хойто хэһэгынь сэрүүн бүһэдэ хамаардаг.

Үбэлэй уларилда Сэбэрэй ехэ даралтын нүлөөгөөр баруун хойноһоо ерэхэ һалхин Жибэн тэнгисэй шииглэг агаарые абшарха тула Жибэн тэнгис таладаа саһа ехэ унана. Харин Номхон далай таладаа сэлмэг үдэр олшордог.

Зун Номхон далайн ехэ даралтын нүлөө ехэдэжэ, халуун шииглэг үдэрнүүд үргэлжэлнэ. Гэхэдээ нютагай умарада хэһэгээрынь Охаат тэнгисэй ехэ даралтын нүлөөгөөр сэрүүн байдаг.

Жибэн тэнгис таладаа үбэл саһа ехэ унадаг, 6, 7-р һарада (Окинавада 5, 6-р һара) агаарай ехэ даралтын шугамай нүлөөгөөр борооной уларил боложо, зун, намарай заагаар үмэнэ талаһаа ерэхэ Тайфун зэргын нүлөөгөөр харисангы хура тунадаһа ехэтэй бүһэ нютагай тоодо ороно.

[edit] Түрын байгуулал

Түрын дээдэ эрхэ арад түмэнэй гарта байха бүгөөд эзэн хаанынь улас түрын эрхэгүй, зүбхэн арад түмэнэй бэлгэ тэмдэг болоно. Уласай Хуралынь илүү эрхэ эдлэхэ бүгөөд түлөөлэгшэдэй танхим болон зүблэхүүдын танхим гэһэн 2 танхимтай. Хуули тогтоохо засаглалһаа гадна Гүйсэдхэхэ засаглал болон Шүүхэнь тусдаа оршохо болобошье шүүхэ засаглалынь харисангы һул бүгөөд гүйсэдхэхэ засаглалынь хүсэтэй байдагаараа Ярмаантай түһэтэй.

Жибэн улас 2005 оной 6-дугаар һарын 1-нэй байдалаар 2,374 дүүрэг тосхон (740 дүүрэг, 1,303 хотохон, 331 тосхон) -hоо бүрэлдэхэ бүгөөд һүүлэй жэлнүүдтэ хото тосход нэгэдэхэнь олшоржо байна. Тэрэшэлэн ниислэл Тоокёо хотодо тусхай дүүрэгүүд (23) бии.

Тэрэшэлэн Жибэн улас засаг захиргаанай өөрөө удирдаха ёһо бүхы 47 можодо хубаагдана.

Жибэнэй Уласай Хуралда 1955 онһоо хойшо ехэнхидээ Жибэнэй Либераал Арадшалһан Нам олонхи боложо засагай газраа бүрдүүлжэ байһан бүгөөд энэ хугасаанда сор ганса удаа 1993 оной сонгууляар сүрэг хүсэн боложо байна. Үдэгөө Коомэй нам (Шударга ёһо нам)-тай эбсэжэ засагай эрхые барижа байгаа болобошье Жибэнэй Арадшалһан Нам жэлһээ жэлдэ хүсэрхэгжэжэ, аажамаар 2 намын журамда (систеэмэдэ) шэлжэжэ буй.

[edit] Засаг захиргаанай хубаарми

[edit] Хоккайдо

  • Хоккайдо бүһэ - 1.Хоккайдо

[edit] Хоншүү

  • Зүүн хойто бүһэ - 2.Аомори - 3.Иватэ - 4.Мияги - 5.Акита - 6.Ямагата - 7.Фүкүшима
  • Кантоо бүһэ - 8.Ибараки - 9.Тотиги - 10.Гүмма - 11.Сайтама - 12.Тиба - 13.Тоокёо - 14.Канагава
  • Түбэй бүһэ
    • Хокүрикү бүһэ - 16.Тояма - 17.Ишикава - 18.Фүкүй
    • Коошин-эцү бүһэ - 19.Яманаши - 20.Нагано - 15.Ниигата
    • Тоокай бүһэ - 21.Гифү - 22.Шизүока - 23.Айти
  • Кинки бүһэ - 24.Миэ - 25.Шига - 26.Кёото - 27.Оосака - 28.Хёого - 29.Нара - 30.Вакаяма
  • Тюүгокү бүһэ - 31.Тоттори - 32.Шиманэ - 33.Окаяма - 34.Хирошима - 35.Ямагүти

[edit] Шикокү

  • Шикокү бүһэ - 36.Токүшима - 37.Кагава - 38.Эхимэ - 39.Кооти

[edit] Кюүшүү

  • Кюүшүү бүһэ - 40.Фүкүока - 41.Сага - 42.Нагасаки - 43.Күмамото - 44.Оойта - 45.Миязаки - 46.Кагошима - 47.Окинава
Жибэнэй засаг захиргаанай хубаари
Жибэнэй засаг захиргаанай хубаари

[edit] Эдэй засаг, ажаүйлэдбэри

Дэлгэрэнгые Жибэнэй эдэй засаг һэдэбые үзэнэ үү

Жибэн улас Дотоодын Ниитэ Бүтээгдэхүүнэй хэмжээгээрээ дэлхэйдэ 2-рто ородог. Мүнгэнэй нэгэжэнь эн (¥, en, 圓) (юван).

Юрэнхыдээ Байгаалиин баялиг хомоһо болобошье гахюурай (цемеэнтын) түүхэй эд, шэл зэргээр баялиг. Эртэ сагта алтан, мүнгэн, зэд, шулуун нүүрэһэн ехэ хэмжээгээр олборлодог байһан түүхэтэй.

Неэфть, ашагта малтамал зэргые хилын саанаһаа асарлан агтамашиина, сахилгаан бараа, хубилхы ухаанай бүтээгдэхүүн зэргые үйлдэбэрлэн гадаада гаргалдаг (ээкспортлэдэг).

Гадаада худалдаанай гол түншүүдынь АНУ, Зүүн, Зүүн Үмэнэдэ Аази, Эброопын холбоон, Сауд Арааб, Хитад гэхэ мэтэ. Гадаада худалдаанай тэнсэлынь ашагтай байдаг.

[edit] Хүн ама

  • 126,925,843 (2000 онХүн аманай тоололго)
  • Ойролсоогоор 127 сая 670 мянга (2004 оной 2-р һара)
  • Үүнэй дотор жибэнэй иргэнэй харьяалал бүхы хүмүүн 98.9% (2003 оной 8-р һара)

Оршон үедэ түрэлтэ үсөөржэ, хүн аманиинь хүгшэржэ байгаа үндэһэтэн юм. Ниитэ хүн аманиинь 2007 онһоо багадажа эхилнэ гэжэ үзэжэ байһаншье, али хэдынгээ 2005 онһоо багадажа эхилһэн байна. Энэнь улас даяар 5-н жэл тутамда нэгэ удаа ябагдадаг хүн зоной тоололго һудалгаа (国勢調査)-гаар маша тодорхой болоно.

Тэрэшэлэн Саппоро, Сэндай, Тоокёо, Сайтама, Тиба, Кавасаки, Ёкохама, Нагоя, Кёото, Оосака, Кообэ, Хирошима, Китакюүшүү, Фүкүока зэргэ саяһаа дээшэ хүн зон бүхы хотонуудта хүн зоной түблэрэлтэ ябагдажа байна. Газар нютагайнь 10 хубидань хүн зоной 90 хубинь амидардаг гэһэн тоо баримта байдаг юм байна. Үүнэй нүгөө талада хүдөө орон нютагта хүн зоной һиирэгшэл, хүгшэрэлтэ газар абажа байна.

Дэлхэйн Эрүүл Мэндын Байгуулалга (WHO)-ын һудалгаанһаа үзэбэл жибэншүүдэй дундажа наһалалта эрэгтэйшүүд: 78.4, эмэгтэйшүүд 85.3 (2001 он) буюу дэлхэйдэ хамагай ута наһалдаг үндэһэтэн юм. Тэрэшэлэн дундажа "эрүүл амидарал" гэһэн эрэгтэйшүүд 72.3, эмэгтэйшүүд 77.7 (2001 он) байдагынь мүн лэ дэлхэйдэ тэргүүлэхэ үзүүлэлтэ байна.

[edit] Яһатан

  • Жибэн хүн (日本人 нихондзин) — 125 182 000 (1993)
  • Жибэн Уласай хитад (жиб. 華僑 какёо, 在日中国人 зайнити тюүгокүжин, хит. 日本華僑 Жибэнь хуацяо (Rìběn huáqiáo)) — 560 741 (2006)

()

  • Айнү (E9%98%BF%E4%BC%8A%E5%8A%AA%E4%BA%BA, アイヌ) — 50 000 айнүгууд, 150 000 — 1 000 000 айнү уг гарбалтай жибэншүүд ()
  • Ниивх — үсөөн
  • Орок — ?
  • Рюүкюү хүн (琉球民族) — Амами хүн (≈130 000), Окинава хүн (> 2 000 000), Мияко хүн (55 783), Яэяма хүн (44650) ()
  • Жибэнэй солонгос — 659 314 (1994) ()


[edit] Хэлэн яряан

Албан ёһоной болбосоролые жибэн хэлээр олгодог болобошье Уласай Хуралда айнү хэлэн болон окинава аялга (рюүкюү хэлэн) хэрэглэхые зүбшөөрһэн байдаг.

Ингли хэлые дунда һургуулиһаа эхилжэ заадаг болобошье хүн зоной аангли хэлэнэй мэдэлиг юрэнхыдөө һайн бэшэ.

[edit] Шажан шүтэлгэ

Шинтоо, Хитад ба Солонгосһоо ерэһэн Буддын шажанда дабхар шүтэлэгтэй хэмээн өөрсэдиигөө тодорхойлхо хүн олон тула энэ хоёр шажанай һүзэгтэнүүдэй тоое нэмэбэл 200 сая болодог байна. Тэрэшэлэн катоолик, протестаанта зэргэ Христосой шажантанууд байха болобошье хүн зоной 1%-дашье хүрэхэгүй болобошье зула һарын баяр зэргэ христосой шажанай зан үйлэ өргөн тархаба. Ислаам шажан, жүүдэй шажан шүтэдэг хүн бараг үгы гэхэдэ болоно [1] [2].

[edit] Болбосорол

  • Бэшэг үзэгтэ тайлагдаһан байдал: 100.0% (эрэ: 100.0%, эмэ: 100.0%、2000 он). 1990 ондо 99.8% (эрэ: 99.9%, эмэ: 99.7%) байһан ажа.
  • Һуури болбосорол: Бага һургуули 6 жэл, дунда һургуули 3 жэл. Дунда һургуули түгсэгшэдэй 96%-нь [[ахалха һургуули]да дэбшэн һуралсадаг.

[edit] Соёл, зан заншал

  • Жибэнэй соёл, Жибэн уран зураг, Жибэнэй хиноо урлаг, Жибэн арадай дуу хүгжэм, Шинтоо
  • Жибэн хүүхэлдэй, Оригами
  • Ноо, Кёогэн, Кабүки, Бүнракү, Ракүго, Мансай
  • Хайкү, Танка, Вака, Гэйша
  • Сайн ёһо
  • Бүшидоо, Самүрай, Нинжа, Жибэн сэлэм, Тямбара
  • Сүмөө, Бүдоо, Жүүдоо, Кэндоо, Кюүдоо, Каратэ, Бэе хамгаалха урлаг
  • Шооги, Го даам
  • Жибэн хоол, Жибэн хубсаһан
  • Жибэнэй урлаг
  • Жибэнэй уран барилга
  • Жибэнэй баяр наадан

[edit] Дэлхэйн үб

Жибэнэй нютаг дэбһэгэр дээрэ ЮНЕСКО-гой Дэлхэйн уг баялигэй жагсаалтада бүрэтхэгдэһэн соёлой дурасхаал 10, байгаалиин дурасхаал 3 бии. Дэлгэрэнгые Жибэнэй Дэлхэйн уг баялиг һэдбэһээ үзэнэ үү.

[edit] Бүхэ ниитээр тэмдэглэхэ баярнууд

Огноо Баяр Тайлбари
1-дүгээр һарын 1 Шэнэ жэл
1-дүгээр һарын 2-дохи Дабаа гараг Наһанда хүрэгһэдэй үдэр Тухайн жэлдэ 20 наһа хүрэһэн хүмүүн тэмдэглэнэ.
2-дугаар һарын 11 Тусгаар тогтонолой үдэр
3-дугаар һарын 21 оршом Хабарай үдэр һүни тэнсэхэ үдэр Хуушанаар Эзэн хаанай хабарай тайлга
4-дүгээр һарын 29 Шоовагой үдэр Хирохито хаанай түрэһэн үдэр
5-дугаар һарын 3 Үндэһэн хуулиин үдэр
5-дугаар һарын 4 Ногоон үдэр
5-дугаар һарын 5 Хүүхэдэй баяр
7-дугаар һарын 3-дахи Дабаа гараг Далайн үдэр
9-дүгээр һарын 3-дахи Дабаа гараг Ахамадай үдэр
9-дүгээр һарын 23 оршом Намарай үдэр һүни тэнсэхэ үдэр Хуушанаар Эзэн хаанай намарай тайлга
10-дугаар һарын 2-дохи Дабаа гараг Бэеын тамирай үдэр
11-дүгээр һарын 3 Соёлой үдэр Мэйжи эзэн хаанай түрэһэн үдэр
11-дүгээр һарын 23 Хүдэлмэриие хүндэтхэхэ үдэр
12-дугаар һарын 23 Эзэн хаанай түрэһэн үдэр
  • Баярай үдэр Нима гарагта таарбал дарааха үдэр буюу Дабаа гарагтань, тэрэшэлэн баярай үдэрнүүдэй хоорондохо үдэр (5-дугаар һарын 4). Бүхэ ниитын амаралтын үдэр болодог.

[edit] Байгаали оршон

Template:Section-stub

[edit] Мүн үзэхэ

  • Жибэнэй эзэн хаан
  • Үндэһэн хуулита хаанта засагта улас
  • Жибэнэй Үндэһэн Хуули
  • Жибэнэй Эзэнтэ Гүрэн
  • Жибэнэй гадаада харилсаа
  • Жибэн хэлэн
  • Ямато
  • Айну
  • Рюүкюү
  • Камиказэ

[edit] Зүүлтэ

[edit] Гадаада холбоос

Ехэ Найман

Фраанци | Итаали | Канаада | Ярмаан | Амеэрикын Нэгэдэһэн Улас | Ехэ Бритаан | Жибэн | ОрХУ Ородой Холбоото Улас

In other languages